Ijtimoiy tarmoqda Toshkent viloyatining Toshkent tumani Yangi Hasanboy ko‘chasi 7-tupikda joylashgan issiqxona noqonuniy gazga ulanib olganligi haqida xabar e’lon qilindi.
Unga asosan, “O‘zneftgazinspeksiya” va “Toshkenttumangaz” gaz ta’minoti bo‘limi bilan hamkorlikda joyiga chiqqan holda o‘rganildi.
Issiqxona Toshkent tumani, “Guzar” MFY, Yoshlik ko‘chasi yashovchi fuqaro M. Sh. xonadoniga tegishli ekanligi ma’lum bo‘ldi.
Haqiqatdan ham xonadon egasi tomonidan issiqxonani isitish uchun gaz tarmog‘iga o‘zboshimchalik bilan ulanib tabiiy gazdan noqonuniy foydalanib kelinayotganligi aniqlandi.
Xususan, issiqxonada 1 dona nostandart (qo‘lbola) isitish qozoni o‘rnatilganligi ma’lum bo‘ldi va tarmoqdan o‘chirildi.
Holat yuzasidan tegishli tartibda dalolatnoma rasmiylashtirildi. Issiqxona tomonidan yetkazilgan zarar miqdori 39 mln 443 ming so‘mni (39 ming 443 kub metr tabiiy gaz) tashkil etdi.
Rasmiylashtirilgan hujjatlar chora ko‘rish uchun huquqni muhofaza qilish organlariga yuborildi.
438
