Aholi va ijtimoiy soha muassasalarini tabiiy gaz bilan barqaror ta’minlash maqsadida Energetika vazirligi ishchi guruhi tomonidan 14-yanvardan 15-yanvarga o‘tar kechasi o‘tkazilgan tungi nazorat tadbirlarida gaz tarmog‘idan uzilgan ulgurji iste’molchilar noqonuniy faoliyat yuritib kelayotgani aniqlandi. Xususan:
Toshkent tumani, “Hasanboy” MFY, Otchopar ko‘chasida yashovchi M.Aga tegishli xonadon 41 sotix maydondagi issiqxonada gaz tarmog‘iga o‘zboshimchalik bilan ulanib, 3 dona nostandart isitish qozoni orqali tabiiy gazdan noqonuniy foydalanib kelayotgani aniqlandi. Yetkazilgan zarar miqdori 154,9 mln so‘m (154,9 ming m3) ni tashkil etgan.
Zangiota tumanidagi “Istiqlolning 5 yilligi” mahallasida 3 ta holatda tabiiy gazdan noqonuniy foydalanish holatlari aniqlandi. Jumladan:
“Sobirjon Omad Oshiyoni” MChJga qarashli oshxona gaz tarmog‘idan uzib qo‘yilgan bo‘lishiga qaramasdan, o‘zboshimchalik bilan tarmoqqa ulanib, nostandart isitish moslamalari orqali tabiiy gazdan noqonuniy foydalanayotganligi aniqlandi. Yetkazilgan zarar miqdori 1,872 mln so‘m (1,872 ming m3)ni tashkil etgan.
X.Sh “Safarov M”ga qarashli oshxona gaz tarmog‘idan uzib qo‘yilgan bo‘lishiga qaramasdan, o‘zboshimchalik bilan tarmoqqa ulanib, 2 dona 40 litrlik va 1 dona 20 litrlik qozon va 1 dona nostandart isitish pechi orqali tabiiy gazdan noqonuniy foydalanayotganligi aniqlandi. Yetkazilgan zarar miqdori 7,236 mln so‘m (7,236 ming m3)ni tashkil etgan.
“Osiyo ART” MChJga qarashli oshxona gaz tarmog‘idan uzib qo‘yilgan bo‘lishiga qaramasdan, tarmoqqa o‘zboshimchalik bilan ulanib tabiiy gazdan noqonuniy foydalanib kelayotganligi aniqlandi.
Yuqoridagi noqonuniy holatlarga qonuniy chora ko‘rish yuzasidan tegishli hujjatlarni huquqni muhofaza qilish organlariga yuborish uchun tayyorlanmoqda.
606
