➖Davlatobod tumanining “Yuksalish” mahallasi hududidagi o‘rta bosimli yer osti gaz tarmog‘ida yuzaga kelgan nosozlik tezkorlik bilan bartaraf etildi. Hozirda mazkur hududdagi 2718 ta aholi xonadonlarida tabiiy gaz ta’minoti qayta tiklandi.
➖Sharof Rashidov tumanining gaz bosimi past bo‘lgan “Qatortol”, “Qo‘shko‘prik”, “Mulkanlik” va “Bo‘ston” mahallalariga 3 km masofaga yangi gaz quvurini tortish ishlarini olib bormoqda. Tez orada ushbu mahallalarda gaz bosimining bir miyorda bo‘lishi taʼminlanadi.
➖Qariyb 4 kun muddatda Yashnobod tumani “Maxtumquli” ko‘chasidan Mirzo-Ulug‘bek tumanining “Oltin tepa” mahallasi Qarnoq ko‘chasiga gaz quvurlarini tortish ishlari yakunlandi. Aholining tabiiy gaz ta’minoti yaxshilandi.
➖Yashnobod tumanining “Shirinobod” MFY va “Murg‘ob”, “Marv”, “Sulton Sanjar”, “Batu” hamda “Axsikat” ko‘chalari hududidagi 132-sonli transformator punktidan chiquvchi elektr uzatish tarmogʻida yuklamaning ortishi sabab yuzaga kelgan nosozlik bartaraf etildi.
➖Sergeli tumanining 7-mavze “Madadkor” MFY hududidagi 26-27-28-29- sonli ko‘p qavatli uylarda elektr ta’minotini tiklash uchun brigada tomonidan nosoz kabellar yangi kabel tarmoqlariga almashtirilmoqda.
➖Urganch tumani “Shermatlar” mahallasidagi 5176-sonli transformatorda yuzaga kelgan nosozlik bartaraf etildi va hududda elektr ta’minoti tiklandi.
➖Andijon tumanining “Damariq”, “Gumbaz”, “Chem”, “Darxon” va “Guzar” mahallalarida joylashgan transformator punktlari ta’mirlanib, nosozliklar bartaraf etildi.
➖Farg‘ona tumanidagi 79- va 130-sonli transformator punktlari hamda “Ma’shal” mahallasida lektr tarmog‘idagi nosozliklarni ta’mirlash ishlari bajarildi.
➖Marg‘ilon shahrida joylashgan 1-sonli transformator punkti va elektr uzatish kabel tarmog‘idagi yuzaga kelgan nosozliklar bartaraf etildi.
Hududlarda elektr va gaz ta’minotida yuzaga kelayotgan nosozliklarni bartaraf etish ishlari davom etmoqda.
657
