Joriy yil 20-yanvar kuni Toshkent viloyatining Zangiota tumanida o‘tkazilgan tezkor tadbirlarda issiqxonalarda tabiiy gazdan noqonuniy foydalanish holatlari aniqlandi. Xususan:
➖Turkiston hududi, Turopobod mahallasida fuqaro Z.Aripovga qarashli issiqxonada 1 dona nostandart (qo‘lbola) isitish qozonini gaz tarmog‘iga o‘zboshimchalik bilan ulanib, tabiiy gazdan noqonuniy foydalanib kelingan. Yetkazilgan zarar miqdori 32,8 mln so‘m (32,8 ming m3);
➖Chig‘atoy oqtepa hududi, Bo‘ston mahallasida fuqaro I.Fozilovga qarashli issiqxona 1 dona nostandart (qo‘lbola) isitish qozonini gaz tarmog‘iga o‘zboshimchalik bilan ulab, tabiiy gazdan noqonuniy foydalanib kelgani maʼlum bo‘ldi. Yetkazilgan zarar miqdori 30,7 mln so‘m (30,7 ming m3);
➖Yuqoridagi manzilda ushbu fuqaro I.Fozilovga qarashli ikkinchi issiqxonada 1 dona nostandart (qo‘lbola) isitish qozoni gaz tarmog‘iga o‘zboshimchalik bilan ulab, tabiiy gazdan noqonuniy foydalanib kelayotgani aniqlandi. Yetkazilgan zarar miqdori 24,1 mln so‘m (24,1 ming m3 )ni tashkil etdi.
Mazkur issiqxonalar tomonidan yetkazilgan umumiy zarar miqdori 87,6 mln so‘mni (87,6 ming metr kub) tashkil etdi. Bu o‘rtacha 5000 ta xonadonning bir kunlik tabiiy gaz isteʼmolini tashkil qiladi.
Aniqlangan noqonuniy holatlar bo‘yicha rasmiylashtirilgan hujjatlar chora ko‘rish uchun huquqni muhofaza qilish organlariga yuborish uchun tayyorlanmoqda.
4381
