Ijtimoiy tarmoqlarda “Benzin taqchilligi tufayli chayqovchilar benzinni shundoq yo‘lning yuzida qo‘lda salkam ikki baravar qimmat narxda sotishmoqda” sarlavhali videoxabar eʼlon qilindi.
Ushbu holatga asosan quyidagilarni maʼlum qilamiz:
Mazkur holat Jizzax viloyati Sh.Rashidov tumani, Temiryazov ko‘chasida tasvirga olingan.
Bugungi kunda haqiqatdan ham avtobenzinga bo‘lgan talab oshganligi sababli ayrim fuqarolar tomonidan o‘zlarining shaxsiy avtomashinalarida AYOQSHlardan benzin xarid qilib, uni avtomashina bakidan chiqarib qo‘lda noqonuniy ravishda sotish holatlari uchramoqda.
Mazkur holatlarni bartaraf etish maqsadida muntazam ravishda huquqni muhofaza qilish organlari, Davlat soliq va Monopoliyaga qarshi kurashish boshqarmalari bilan hamkorlikda nazorat tadbirlari o‘tkazib kelinmoqda.
Joriy yilning o‘tgan davri mobaynida o‘tkazilgan tadbirlar davomida Jizzax viloyatining turli hududlarida fuqarolar tomonidan avtomobillarga yoqilg‘i quyish shoxobchalaridan 5 700 so‘mdan sotib olingan AI-80 markali avtobenzinni 10 000 so‘mdan 15 000 so‘mgacha sotilayotgani aniqlanib, ularga nisbatan maʼmuriy bayonnomalar rasmiylashtirilgan.
Xususan, Jizzax shahri va Sh.Rashidov tumanlarida bir necha fuqarolar tomonidan jami 645 litr avtobenzin noqonuniy ravishda sotilayotgani aniqlanib, ularga nisbatan tegishli hujjatlar rasmiylashtirilgan.
Hozirda ishchi guruhlar tomonidan joylarda nazorat tadbirlari davom ettirilmoqda.
379
