Бугун, 27 ноябрь куни «Namanganliklar.uz» ижтимоий тармоғида «Қизилкўприк»да трансформатор ёнмоқда» сарлавҳали видеомурожаат эълон қилинди. Ушбу ҳолат юзасидан қуйидагиларни маълум қиламиз.
Маълумки, қиш мавсуми яқинлашиб, ҳаво ҳароратининг кескин совиб кетиши натижасида электр энергиясининг истеъмоли ошиши, аҳоли хонадонларини иситишда ноқонуний электр иситиш жиҳозларидан кўп фойдаланилганлиги боис Наманган шаҳар «Ишонч» маҳалла фуқаролар йиғинидаги 1455-сонли трансформатор пунктида бугун 27 ноябрь куни соат 18:05 лар атрофида қисқа туташув натижасида, трансформатор пункти ёнишига сабаб бўлган.
Ҳозирда «Наманган ҳудудий электр тармоқлари корхонаси»нинг махсус ишчи гуруҳи томонидан муаммони бартараф этиш чоралари олиб борилмоқда ва тез фурсатларда маҳалла электр таъминотига улаб берилади.
Келтирилган ноқулайликлар учун истеъмолчилардан узр сўраймиз.
Ўзбекистон Республикаси
Энергетика вазирлиги Матбуот хизмати
713
