Joriy yilning 15-fevral kuni Energetika vazirligi huzuridagi “O‘zenergoinspeksiya” va huquqni muhofaza qiluvchi organlar bilan hamkorlikda o‘tkazilgan nazorat tadbirlarida 119 ta holatda 6,3 mln kVt⋅soat miqdoridagi (jami 2,6 mlrd so‘m) elektr energiyasidan noqonuniy foydalanish holatlari aniqlandi.
Ushbu hajmdagi elektr energiyasi o‘rtacha 30 mingta xonadonning bir oylik iste’molini tashkil qiladi. Misol uchun:
➖Namangan shahrida joylashgan “Istiqilol Javoxiri” MChJ elektr tarmog‘iga o‘zboshimchalik bilan ulanishi natijasida 646 mln so‘m;
➖Qo‘shrabot tumanida joylashgan “Zamin Sirojxon” fermer xo‘jaligi elektr tarmog‘iga o‘zboshimchalik bilan ulanishi natijasida 275 mln so‘m;
➖Bo‘stonliq tumanida “Sardor-Sarvar-Akmal Stroy” MChJ elektr tarmog‘iga noqonuniy ulanishi orqali 187 mln so‘m qayta hisob-kitob amalga oshirildi.
Elektr energiyasidan noqonuniy foydalangan iste’molchilarning elektr qurilmalari tarmoqdan ajratilib, holat bo‘yicha rasmiylashtirilgan hujjatlar huquqni muhofaza qiluvchi organlarga yuborilmoqda.
Hududlarda nazorat tadbirlari davom ettirilmoqda.
349
