BAAning “Masdar” kompaniyasi tomonidan Jizzax viloyatining Gʻallaorol tumanida 600 gektar yer maydonida umumiy quvvati 220 MVt bo‘lgan yirik quyosh fotoelektr stansiyasi qurilmoqda.
Mazkur stansiya 2023-yilning dekabr oyida ishga tushirilishi rejalashtirilgan. Stansiya ishga tushirilishi natijasida yiliga 540 mln kVt⋅soat elektr energiyasi ishlab chiqariladi. Buning natijasida 135 mln kub metr tabiiy gaz tejalishiga erishiladi hamda 150 mingdan ortiq xonadonni elektr energiyasi bilan ta’minlash imkoni yaratiladi.
Ta’kidlash kerakki, mazkur quyosh fotoelektr stansiyasi Jizzax viloyatidagi birinchi va eng yirik elektr stansiya bo‘lib hisoblanadi.
Eslatib o‘tamiz, stansiya qurilishi Prezidentimizning 2022-yil 14-yanvarda “Jizzax viloyati Gʻallaorol tumanida quvvati 220 MVt bo‘lgan fotoelektr stansiyasi qurilishini tashkil etish chora-tadbirlari to‘g‘risida” PQ-86-son qarori asosida amalga oshirilmoqda.
Stansiya qurilish jarayonlari bilan ushbu reportajda tanishishingiz mumkin.
953
