Ijtimoiy tarmoqlarda “Andijon Dargohdagi AYOQSHda Ai-80 benzin 7000 so‘mdan sotilmoqda” mazmunida xabarlar e’lon qilindi.

Ushbu xabarlarga asosan quyidagilarni ma’lum qilamiz:

Ushbu holat tarmoqlarda e’lon qilingach, shu zahoti Raqobatni rivojlantirish va iste’molchilar huquqlarini himoya qilish qo‘mitasining Andijon hududiy boshqarmasi mutaxassislari tomonidan holat joyiga chiqqan holda o‘rganilgan.

Mutaxassislar tomonidan mazkur AYOQSH rahbariyatiga kerakli tushuntirish va ogohlantirish berilib, ushbu holat qayta takrorlanmasligi uchun tushuntirish xati olingan.

Buning natijasida mazkur AYOQSHda Ai-80 rusumli avtobenzin narxi tushirilgan holda sotilishi ta’minlangan.

Energetika vazirligi Matbuot xizmati

20.02.2023

456