“O‘zbekiston milliy elektr tarmoqlari” AJ bo‘yicha 2022-yil yanvar-dekabr oylarida asosiy prognoz ko‘rsatkichlarning bajarilishi yuzasidan amalga oshirilgan ishlar to‘g‘risida maʼlumot.
“O‘zbekiston milliy elektr tarmoqlari” AJ tasarrufida 86 ta yuqori 110–220 va 500 kV kuchlanishli elektr uzatish tarmoqlari, 11650 km.dan ziyod magistral elektr tarmoqlari mavjud. Tizimda 4332 nafar ishchi-xodim xizmat qiladi. Shundan 737 nafari xotin-qizlar va 771 nafari yoshlar.
“O‘zbekiston milliy elektr tarmoqlari” AJ tomonidan 2022-yil boshidan belgilab olingan asosiy ko‘rsatkichlarning bajarilishi yuzasidan quyidagi natijalarga erishildi:
I. Elektr energiyasini uzatish
2022-yil boshidan (yanvar-dekabr) magistral elektr tarmoqlari orqali 66,5 mlrd kVt•soat elektr energiyasi uzatilib, reja 102,0 foizga (o‘sish surʼati 2021-yilning mos davriga nisbatan 102,8 foizga) bajarildi.
II. Investitsiya dasturi ijrosi bo‘yicha
Elektr tarmoqlarini rekonstruksiya va modernizatsiya qilish bo‘yicha tasdiqlangan dastur bo‘yicha: Magistral elektr tarmoqlarini rivojlantirish va modernizatsiya qilish maqsadida bir qator ishlar amalga oshirib kelinmoqda. Xalqaro tender savdolari natijalariga ko‘ra loyihalar doirasida iqtisod qilingan mablag‘larni inobatga olgan holda 2022-yilda barcha moliyalashtirish manbalari hisobidan 89,8 mln dollar miqdorida mablag‘ o‘zlashtirishi kutilgan edi. Jumladan:
· Xorijiy investitsiya mablag‘lari – 64,4 mln dollar;
· “O‘zbekiston MET” AJ o‘z mablag‘lari – 25,4 mln dollar.
Xususan, 2022-yil yanvar-dekabr oylarida barcha moliyalashtirish manbalari hisobidan jami 112,5 mln dollar (reja 125,2 foiz) o‘zlashtirildi.
III. Modernizatsiya va rekonstruksiya ishlari bo‘yicha
“O‘zbekiston MET” AJ tomonidan respublika iqtisodiyot tarmoqlari, ijtimoiy soha va biznes subyektlari hamda aholi tomonidan elektr energiyasiga bo‘lgan talabning ortib borayotgan qismini to‘liq qoplash maqsadida 2019–2022-yillarda Jamiyat tasarrufidagi elektr tarmoqlarini modernizatsiya hamda rekonstruksiya qilish ishlari jadal olib borildi.
2022-yil boshidan (yanvar-dekabr) modernizatsiya dasturi asosida 9 ta podstansiyadagi kuch transformatorlarini almashtirish bo‘yicha amalga oshirilgan ishlar natijasida o‘rnatilgan quvvat qo‘shimcha 1241 MVAga oshirildi. Shundan, “Traktorsoz” podstansiyasida 125 MVA (Toshkent shahri), “Cho‘ponota” podstansiyasida 216 MVA (Samarqand viloyati), “Yuksak” podstansiyasida 138 MVA (Toshkent shahri), “Sherobod” podstansiyasida 187 MVA (Surxondaryo viloyati), “DNS-2” podstansiyasida 125 MVA (Jizzax viloyati), “Gornaya” podstansiyasida 63 MVA (Navoiy viloyati), “Quyimozor” podstansiyasida 62 MVA (Buxoro viloyati), “Ozodlik” podstansiyasida 200 MVA (Toshkent shahri) hamda “Amir Temur” podstansiyasida 125 MVA ga (Qashqadaryo viloyati).
IV. Mukammal va joriy taʼmirlash ishlari bo‘yicha
2022-yilda magistral elektr tarmoqlarida umumiy quvvati 848 MVA bo‘lgan 10 dona kuch transformatori, 66 dona 110–500 kVli o‘chirgich, 14 dona kompressor qurilmasi va 810,23 km uzunlikdagi 110-500 kV havo liniyalarini mukammal taʼmirlash ishlari 1-oktabrga (2022) qadar to‘liq yakunlandi.
V. Sarf-xarajatlarni qisqartirish
“O‘zbekiston milliy elektr tarmoqlari” AJ bo‘yicha 2022-yilda 107,0 mlrd so‘mlik sarf-xarajatlarni qisqartirish bo‘yicha prognoz reja qilinib, chora-tadbirlar ishlab chiqildi va bu borada tegishli ishlar olib borildi.
2022-yilning yanvar-dekabr oylarida Jamiyat bo‘yicha jami 107,4 mlrd so‘m miqdorida xarajatlar qisqartirilib, reja 100,3 foizga bajarildi.
VI. Davlat budjetiga to‘lovlar bo‘yicha
“O‘zbekiston milliy elektr tarmoqlari” AJ 2022-yil yanvar-dekabr oylarida budjet va budjetdan tashqari fondlarga jami bo‘lib 126,9 mlrd so‘m miqdorida pul mablag‘i to‘lab berildi.
VII. Importni qisqartirish yuzasidan amalga oshirilayotgan ishlar
Chet el davlatlari ishlab chiqaruvchi korxonalardan Jamiyat ish faoliyati uchun zarur bo‘lgan elektr uskunalarini hozirda respublikamiz ishlab chiqaruvchi korxonalaridan (kuchlanish oshib ketishidan saqlagich qurilmasi) elektron savdolar asosida xarid qilish natijasida importni qisqartirish 2022-yil boshidan (yanvar-dekabr) jami 268,1 ming dollarni tashkil etib, reja 116,6 foizga bajarildi.
VII. Yangi ish o‘rinlarini yaratish bo‘yicha
2022-yilda tizim korxonalarida 21 ta yangi ish o‘rnini yaratilib reja 116,6 foizga bajarildi.
“O‘zbekiston milliy elektr tarmoqlari” AJ Axborot xizmati
3545
