Ijtimoiy tarmoqda “Namanganda gaz quyish shahobchalari faoliyati 2-3 kunga cheklanadi” mazmunida xabar e’lon qilindi.
Ushbu xabar mutlaqo asossiz bo‘lib, bugungi kunda nafaqat Namangan viloyatida, balki respublika bo‘yicha gaz to‘ldirish shoxobchalari faoliyati to‘xtatilishi ko‘zda tutilmagan.
Hozirda aholi xonadonlari va ijtimoiy soha obyektlari yetarli bosimda tabiiy gaz ta’minotiga ega bo‘lganligi uchun gaz to‘ldirish shoxobchalari faoliyatini to‘xtatishga ehtiyoj mavjud emas.
Avval xabar berilganidek, Farg‘ona vodiysidagi gaz shahobchalarining ishlash vaqti bosqichma-bosqich uzaytirilib, bugungi kunda 14-15 soatdan (soat 7:00dan 21:00gacha) faoliyat yuritmoqda va yaqin kunlarda ularning ish faoliyatining uzluksizligini ta’minlash choralari ko‘rilmoqda.
Energetika vazirligi Matbuot xizmati
369
