Energetika vazirligining O‘zbekistonda elektr energetika sohasini rivojlantirish masalalari bo‘yicha maslahatchisi Xirotaka Vatanabe (Yaponiya xalqaro hamkorlik agentiligi - JICA) sohada olib borilayotgan ishlar haqida so‘zlab berdi.
“Oxirgi 5 yilda agentligimiz O‘zbekistondagi yuqori samaradorlikdagi zamonaviy issiqlik elektr stansiyalari qurulishini qo‘llab-quvvatlab kelmoqda.
Bunday ijobiy natijalarga erishishda Yaponiya va O‘zbekistonning o‘zaro yaqin siyosatini sabab qilib keltirish mumkin.
Mamlakatingizda 5 yilda juda katta o‘zgarishlar bo‘ldi. Ayniqsa, energetika sohasida. O‘zbekiston tomonidan olib borilayotgan say-harakatlar tahsinga sazovor. Oxirgi yillarda O‘zbekistonda yangi issiqlik elektr stansiyalari ko‘paymoqda.
Yurtingizning energetika sohasidagi modernizatsiya jarayonlari allaqachon boshlangan, deb hisoblayman. Yaponiyadan farqli ravishda O‘zbekiston bu natijaga qisqa vaqt davomida erishmoqda. Chunki bunday ijobiy natijalarga O‘zbekiston Prezidenti tomonidan olib borilayotgan oqilona siyosat sabab bo‘lmoqda.
Davlatingiz rahbari dunyoda kechayotgan global muammolarga ham befarq emasligi va ularni xalqaro hamjamiyat bilan birgalikda hal qilishdagi jonbozligini alohida e’tirof etish kerak.
Shu bois, hozirgi kunda nafaqat Yaponiyadagi, balki boshqa mamlakatlardagi investorlar ham O‘zbekistonga sarmoya kiritishga katta qiziqish bildirmoqda. Bu esa, ularning mamlakatingizga bo‘lgan ishonchi katta ekanligidan dalolat.
O‘zbekistonni investorlar uchun ishonchli mamlakatga aylantirayogan davlatingiz lideriga minnatdorlik bildirmoqchiman”, — dedi Xirotaka Vatanabe.
486
