Suv ta’minoti tizimida ta’mirlash ishlari olib borilayotganda gaz quvuriga yetkazilgan shikast tufayli Yashnobod tumani, “Izzat” ko‘chasidagi ayrim xonadonlarda tabiiy gaz ta’minoti vaqtincha to‘xtatildi
Bugun Yashnobod tumani, “Izzat” ko‘chasi hududida tuman suv ta’minoti xodimlari tomonidan suv quvurida yuzaga kelgan nosozlikni bartaraf etish ishlari jarayonida o‘rta bosimli yer osti gaz quvuriga shikast yetkazilgan.
Buning natijasida “Izzat” ko‘chasidagi 3, 4, 5, 6-ko‘p qavatli uylardagi jami 704 ta xonadonda tabiiy gaz ta’minoti to‘xtatilgan.
Hozirda tuman gaz ta’minoti xodimlari tomonidan ushbu nosozlikni bartaraf etish ishlari olib borilmoqda.
Iste’molchilar barcha gaz jihozlarini o‘chirib qo‘yishlarini, shu bilan birga tabiiy gazdan foydalanishda texnik qoidalarga amal qilishlarini iltimos qilamiz.
Zarurat tug‘ilganda 1104 qisqa raqami yoki 104 dispetcherlik xizmati bilan bog‘lanish mumkin.
05.03.2023
1740Охирги янгиликлар
O‘zbekiston Respublikasi Energetika vazirligi
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
