Bugun, ijtimoiy tarmoqda “O‘ta katta gabaritli sanoat uskunalari ortilgan mashinalar Oqcho‘loq-Nukus yo‘nalishida o‘ta olmay tagi tegib qolibdi” mazmunida xabar e’lon qilindi.
Ushbu xabarga asosan quyidagilarni ma’lum qilamiz:
Ijtimoiy tarmoqda e’lon qilingan video eski holat bo‘lib, Yaponiyadan olib kelingan 400 tonnalik gaz-turbina generatori 13-mart kuni Sirdaryo viloyatida barpo etilayotgan issiqlik elektr stansiyasi qurilish maydoniga yetib kelgan.
Shuni alohida ta’kidlash kerakki, mazkur yirik hajmdagi energoqurilmalarni olib kelish jarayonida barcha texnik qoidalarga rioya qilinishi ta’minlangan bo‘lib, qat’iy nazorat ostida yetkazib kelinadi. Qurilmalarni olib kelish jarayonida haydovchi va xodimlarning dam olishi va ovqatlanishi kabi holatlarda yuk avtotransport vositasi to‘xtatilib, yuklar yerga qo‘yib turiladi.
Ijtimoiy tarmoqdagi vidеoda aks etgan holat ushbu vaziyatlardagi jarayonlarda tasvirga olingan bo‘lib, buning mutlaqo biror bir nosozlik bilan bog‘liqligi mavjud emasligini ma’lum qilamiz.
Hozirgi paytda ushbu generatorni o‘rnatishga tayyorlash ishlari olib borilmoqda.
Eslatib o‘tamiz, 2022-yil dekabr oyida mazkur IESda Yaponiyadan olib kelingan birinchi gaz turbinasi o‘rnatilgan edi.
88
