Bugun yurtimizning barcha hududlarida “Obod va fayzli mahalla – yurt ko‘rki” shiori ostida umumxalq xayriya hashari o‘tkazilmoqda. Unda Energetika vazirligi jamoasi ham faol ishtirok etmoqda. 

Xususan, vazirlik xodimlari tomonidan Toshkent shahrining Yashnobod tumanidagi 272-ko‘p tarmoqli ixtisoslashtirilgan davlat maktabgacha ta’lim tashkiloti hududida 500 tupga yaqin mevali va manzarali daraxt ko‘chatlari ekildi.

Qayd etish kerakki, yoqilg‘i-energetika tizimidagi barcha tashkilotlar tomonidan respublika hududlari bo‘ylab “Yashil makon” umummilliy loyihasi doirasida mevali va manzarali daraxt ko‘chatlarini ekish va ularni parvarishlash ishlari jadal davom ettirilmoqda.

Energetika vazirligi Matbuot xizmati

18.03.2023

422