Namangan viloyatining Yangiqo‘rg‘on tumanida joylashgan “Elmatov A’zam Voxidovich” fermer xo‘jaligi yer maydonlarini sug‘orish uchun 64 kVt quvvatga ega quyosh fotoelektr stasiyasidan foydalanib kelmoqda.
Mazkur fermer xo‘jaligining yer maydonlari balandlik va adirliklarda bo‘lgani uchun sug‘orish ishlarini qayta tiklanuvchi energiya manbalari yordamida amalga oshirib kelmoqda.
Xususan, stansiya 182 gektar yer maydonini sug‘orish uchun yoki fermer xo‘jaligining elektr energiyasiga bo‘lgan talabini to‘liq ta’minlashga xizmat qiladi.
Elektr stansiya yiliga 106 ming kVt⋅soat elektr energiya ishlab chiqaradi va buning natijasida 26 ming kub metr tabiiy gaz tejaladi.
Ushbu quyosh fotoelektr stansiyasi o‘rnatilishi hisobiga fermer xo‘jaligida yiliga 40 mln so‘mdan ziyod mablag‘ iqtisod qilinishiga erishiladi.
580
