Yuridik shaxslar gaz tarmog‘iga ulanish uchun dastlab Vazirlar Mahkamasining 2018-yil 31-martdagi “Muhandislik-kommunikatsiya tarmoqlariga ulanish bo‘yicha davlat xizmatlari ko‘rsatishning ma’muriy reglamentlarini tasdiqlash to‘g‘risida”gi 256-son qaroriga asosan, Davlat xizmatlari agentligiga ariza bilan murojaat qiladi va gazlashtirish uchun texnik shart oladi.
Olingan texnik shartga muvofiq, loyihalash tashkilotlari (yoki gaz ta’minoti tashkiloti) tomonidan gaz loyihasi tayyorlanadi. Tayyorlangan loyihaga asosan, maxsus ruxsatnomaga ega bo‘lgan qurilish (pudrat) tashkiloti (yoki gaz ta’minoti tashkiloti) tomonidan yuridik shaxsning bino-inshootida qurilish-montaj ishlari bajariladi.
Qurilgan gaz tarmoqlari qurilish tashkiloti (gaz ta’minoti tashkiloti) tomonidan bosimga va zichlikka sinovdan o‘tkazilganidan keyin, gaz ta’minoti tashkiloti va yuridik shaxs o‘rtasida “Tabiiy gazni yetkazib berish va qabul qilish to‘g‘risida”gi shartnoma tuzilgan holda “Tabiiy gazdan foydalanish qoidalari” va o‘zaro tuzilgan shartnoma shartlari asosida gaz ta’minotiga ulab beriladi.
“Hududgazta’minot” AJ matbuot xizmati
1088
