Osiyo taraqqiyot bankining O‘zbekistondagi vakolatxonasi direktori Enriko Pinali O‘zbekistonda energetika tarmog‘ida amalga oshirilayotgan investitsiya loyihalar, ularning ahamiyati va istiqbollari haqida intervyu berdi:
“Biz O‘zbekistonning energiya resurslaridan samarali foydalanish, qayta tiklanuvchi energiya manbalari va energiya tejovchi aqlli texnologiyalarni joriy etishga qaratilgan sa’y-harakatlarini qo‘llab-quvvatlaymiz.
Hukumat va energetika kompaniyalari bilan hamkorlikda kam uglerodli energiya uskunalarini ishlab chiqarish bo‘yicha loyihalarini shakllantirayapmiz.
Bizning xususiy sektordagi operatsiyalarimizdan biri — Navoiy viloyatidagi birinchi 500 MVt quvvatli Zarafshon shamol elektr stansiyasi. Shuningdek, Osiyo taraqqiyot banki Surxondaryo viloyatidagi Sherobod quyosh fotoelektr stansiyasi tenderini o‘tkazishda ham amaliy yordam ko‘rsatdi.
Biz energetika sektorini alohida yo‘nalishlarga ajratish va mahalliy bozorda xususiy sektor ishtirokini ta’minlashga qaratilgan Hukumat siyosatini qo‘llab-quvvatlaymiz.
Hozirda Osiyo taraqqiyot banki kelgusi to‘rt yilga mo‘ljallangan hamkorlik strategiyasini ishlab chiqmoqda.
Biz Hukumat, hamkorlarimiz va xususiy sektor bilan birgalikda O‘zbekiston aholisiga toza va arzon elektr energiyasini ta’minlashda raqobatbardosh bozor muhitini yaratish bo‘yicha loyihalarimizni davom ettiramiz“, — dedi Enriko Pinali.
750
