LONGi kompaniyasi va Toshkent Kimyo xalqaro universiteti (KIUT) universiteti o‘rtasida memorandum imzolash, shuningdek, “Yashil” energetika mavzusida taqdimotlar ishlab chiqish tanlovida g‘olib bo‘lgan 3 nafar talabaga kompaniya tomonidan sovrinlar topshirish marosimi bo‘lib o‘tdi.
Mazkur memorandum universitet talabalarini qo‘llab-quvvatlash, talabalar almashinuvi dasturlarini tashkil etish, O‘zbekistonda quyosh panellari komponentlarini ishlab chiqarishni qisman yo‘lga qo‘yish va universitet uchun grant mablag‘larini ajratishni nazarda tutadi.
LONGi Toshkent Kimyo xalqaro universitetining texnik yo‘nalishlaridagi iqtidorli talabalarini qo‘llab-quvvatlash maqsadida O‘zbekistonda “Yashil” energetika mavzusida taqdimot tayyorlash bo‘yicha tanlov e’lon qildi.
Tanlov natijalariga ko‘ra, 3 nafar talaba shartnomalarini qisman qoplash uchun pul mablag‘lari bilan taqdirlandi.
Tadbirda LONGi kompaniyasi vakillari, KIUT universiteti rektori, shuningdek, Energetika vazirligining Qayta tiklanuvchi energiya manbalari boshqarmasi boshlig‘i va vazirlik huzuridagi qayta tiklanuvchi energiya manbalari milliy ilmiy-tadqiqot instituti direktori ishtirok etdi.
Tadbirda qayta tiklanuvchi energiya manbalarini rivojlantirish, muvaffaqiyatga erishgan talabalarga ta’lim grantlari ajratish, turli sohalarda texnik seminarlar va amaliyotlar o‘tkazish kabi mavzular muhokama qilindi.
O‘zbekiston Respublikasi
Energetika vazirligi Matbuot xizmati
585
