Buxoro viloyatining G‘ijduvon va Peshku tumanlarida 2 ta yirik shamol elektr stansiyasini qurish loyihalarini amalga oshirish doirasida Saudiya Arabistonining ACWA Power kompaniyasi va Osiyo taraqqiyot banki o‘rtasida 174 million AQSH dollari miqdorida zayom bitimlari imzolandi.
Mazkur stansiyalarda umumiy quvvati 1 GVt bo‘lgan 158 ta shamol trubinalari o‘rnatish orqali yiliga 3,6 milliard kVt∙soat elektr energiyasi ishlab chiqariladi. Ushbu stansiyalar ishga tushirilgandan so‘ng Markaziy Osiyo mintaqasidagi eng yirik shamol energiyasi loyihasiga aylanadi.
Ma’lumot uchun: 2 ta shamol elektr stansiyasining ishga tushirilishi natijasida yiliga 1, 1 mlrd kub metr tabiiy gaz tejalishiga va atmosferaga 1 mln tonna zararli gazlar chiqishining oldi olinishiga erishiladi.
Mazkur elektr stansiyalar 2024-yil yakunida ishga tushirilishi rejalashtirilgan.
Eslatib o‘tamiz, ushbu yirik loyihalar Prezidentimizning 2021-yil 23-fevraldagi 5001 va 5003-son qarorlari asosida amalga oshirilmoqda.
Energetika vazirligi Matbuot xizmati
846
