Самарқанд вилояти мажбурий ижро бюроси томонидан Оқдарё туман Қорахитой қишлоғида жойлашган “Баҳодир Умар Ислом” хусусий корхонасининг электр энергиясидан ноқонуний фойдаланганлиги аниқланиб ўрнатилган тартибда далолатнома расмийлаштирилган.
Самарқанд вилояти МИБнинг кўрсатмасига асосан Самарқанд ҲЭТК ходимлари томонидан амалга оширилган қайта ҳисоб-китоб кўра (тадбиркор давлат рўйхатидан ўтган кундан бошлаб) 169.731.360 сўм аниқланган. Самарқанд вилояти МИБ эса ушбу вазиятга бир ёқлама қарамасдан рақамларнинг ҳаққонийлиги бўйича “Ўзэнергоинспекция”нинг Самарқанд ҳудудий бўлимига ўз хулосаларини бериш учун тақдим қилинди.
Ҳудудий бўлим “Электрҳисоб” дастури орқали ўрганиш ўтказилиши мобайнида истеъмолчи “Баҳодир Умар Ислом” хусусий корхонасининг электр ҳисоблагичи 01.07.2018 йилда алмаштирилганлиги аниқланди.
Бундай ҳолатда электр ҳисоблагичнинг алмаштирилган вақтидан бошлаб ҳисобланиши бўйича Самарқанд ҲЭТКга кўрсатма хати берилди. Натижада ҳудудий бўлимнинг кўрсатмасига асосан ҳисобланган қайта ҳисоб-китоб 106 967 960 сўмни ташкил этди.
Амалга оширилган аниқ текширувлар сабаб истеъмолчининг ҳисобига 62 762 400 сўмга қўшимча ҳисоблашнинг олди олинди.
Ўзбекистон Республикаси
Энергетика вазирлиги Матбуот хизмати
ва “Ўзэнергоинспекция”Самарқанд ҳудудий бўлими билан ҳамкорликда
932
