Штаб томонидан аҳолининг табиий газ таъминотига ноқонуний уланиб олган истеъмолчилардан тозалаш ишлари амалга оширилди.
Ўрганиш давомида Қибрай тумани “Қипчоқ” ҚФЙда жойлашган “Tomatto Plant Invest” МЧЖга (У.Матякубов) қарашли умумий майдони 2,0 гектар бўлган иссиқхонада 412 272 000 сўмлик 412 272 метр куб табиий газдан ноқонуний фойдаланганлиги аниқланди.
Ушбу корхона табиий газ тармоғидан узилиб, ундан бўшатилган 11 700 куб.м табиий газ 720 та аҳолининг табиий газ таъминотини яхшилашга йўналтирилди.
“Тошкент Хайирли Агро” МЧЖга (А.Амиловга) қарашли умумий майдони 4.3 гектар бўлган иссиқхонада “Тошкентгаз” ҳудудий филиали билан расмийлаштирилган шартномадан ташқари 1 дона “КВа 1,0 Гн”, 1 дона “КВа 1,2 Гн” ва 2 дона “КВа 2,0 Гн” русумли иситиш қозонлари, 1 дона “ПГ-4” русумли газ плитаси ва 1 дона 10 л хажмдаги миллий ўчоқлар ўрнатилиб табиий газдан фойдаланиш ҳолатлари аниқланди.
Мазкур ҳолат бўйича, Ўзбекистон Республикаси Вазирлар Махкамасининг 2018 йил 12 январдаги 22-сонли қарорининг 125-бандига асосан “Тошкент Хайирли Агро” МЧЖ томонидан умумий қиймати 605 640 000 сўмлик 605 640 метр куб табиий газдан ноқонуний фойдаланганлиги сабабли ҳисоб-китоб амалга оширилди ва табиий газ тармоғидан пайвандлаш йўли билан ажратилди.
Ушбу корхона табиий газ тармоғидан узилиб, ундан бўшатилган 17 300 куб.м табиий газ 1020 та аҳоли табиий газ таъминотини яхшилашга йўналтирилди.
Шу билан бирга, Қибрай туманида жойлашган “Ғишт қурилиш инвест” МЧЖга қарашли пишган ғишт ишлаб чиқариш корхонаси, “Шохжахон Шахзода” МЧЖга қарашли иссиқхона, “Шалола” тўйхонаси ва “GODWILL KBNP” МЧЖлар 2019/2020 йиллар куз-қиш мавсумида табиий газ етказиб берилиши кафолатланмаган улгуржи истеъмолчилар рўйхатига киритилганлиги учун пайвандлаш йўли билан газ тармоғидан ажратилди.
Қибрай тумани, “Май” МФЙ ҳудудида жойлашган “Imkon Broiler” МЧЖга қарашли товуқхона техник шартга зид равишда кесими 76 мм аҳолининг ер ости юқори босимли газ қувурига уланганлиги аниқланди.
“Imkon Broiler” МЧЖга қарашли товуқхона техник шарт талаблари асосида табиий газ тармоқларига уланиш бўйича кўрсатма берилди.
Ишчи гуруҳи томонидан 2019 йилнинг 6 декабр куни олиб борилган ишлар натижасида Қибрай туманининг “Узумзор” МФЙ, “Оқоқвоқ” ва бошқа ёндош ҳудудлардаги 2150 та аҳоли хонадонлари табиий газ таъминотининг яхшиланишига эришилди. Штаб фаолияти давом этмоқда.
1157
