Bugungi quvonchli damlaringiz muborak bo‘lsin. Mana shunday shukuhli onlarda sizlarni maktab ta’limini muvaffaqiyatli tamomlab, hayotingizdagi dastlabki muhim dovondan oshganingiz bilan tabriklayman.
Mustaqil hayotga qadam qo‘yarkansiz, bir haqiqatni unutmasligingizni so‘rardim: qayerda bo‘lmang, siz o‘z hayotingizning haykaltaroshi, ijodkorisiz. O‘z kelajagingizni faqat o‘zingiz qurasiz. Buning uchun esa o‘qishni, o‘rganishni, izlanishni va intilishni bir zum bo‘lsin, to‘xtatmasligingiz kerak.
Kelajakda esa sizni yanada ulkan va mas’uliyatli marralar kutmoqda. Agar oldingizga aniq maqsad qo‘yib, bor kuch-g‘ayratingiz, bilim va salohiyatingiz bilan harakat qilsangiz, ko‘zlagan cho‘qqilarga albatta erishasiz.
Barchangizga ishda va o‘qishda, shaxsiy hayotda kattadan-katta yutuqlar va omadlar tilayman.
Jo‘rabek Mirzamahmudov,
O‘zbekiston Respublikasi Energetika vaziri.
393
