Bugun, 4-iyun kuni Toshkent shahrining Mirobod, Yashnobod va Yunusobod tumanlari hududidagi ayrim aholi yashash xonadonlari hamda kichik tadbirkorlik subyektlarida elektr energiyasi soat 11:00dan 18:00 gaqadar vaqtinchalik oʻchirildi.
Isteʼmolchilarga sifatli va barqaror elektr energiyasini yetkazib berilishini taʼminlash, shuningdek, elektr tarmoqlarida sodir boʻlishi mumkin boʻlgan avariya holatlarini oldini olish hamda taʼmirlash ishlarini xavfsiz bajarish maqsadida:
Yunusobod tumanining Usta Shirin va Naqshbandiy ko‘chalari hududidagi aholi yashash xonadonlarida;
Yashnobod tumani, “Tovkantepa” MFYning Murabbiylar ko‘chalari hududidagi aholi yashash xonadonlarida;
Mirobod tumanining Fayzobod, Fayzobod 5-va 9-tor ko‘chalari hududidagi aholi yashash xonadonlarida elektr energiyasi vaqtincha oʻchirildi.
Shuningdek, Uchtepa tumanining “A.Sog‘uniy”, “Diydor”, “Diyorobod” va “Yangiyo‘l” MFYlari Algoritm dahasi 30- va 31-mavzelarining qisman hududlarinielektr energiyasi bilan ta’minlovchi yuqori kuchlanishli yer ostidan o‘tgan elektr uzatish kabel tarmog‘ida favqulodda avariya holatida elektr ta’minotida uzilish sodir bo‘ldi.
Ayni vaqtda Uchtepa tuman elektr ta’minotining tezkor chiqish brigadalari mazkur nosozlikni bartaraf etishga jalb etilgan. Tez orada mazkur nosozlik to‘liq bartaraf etilib, tarmoq orqali elektr energiyasi yetkazib berilishi to‘liq tiklanadi.
“Hududiy elektr tarmoqlari” AJ Toshkent shahar filiali mazkur taʼmirlash ishlari va yuzaga kelgan favqulodda nosozlik tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr soʻraydi.
559
