Ertaga, 7-iyun kuni soat 07:00 dan 8-iyun soat 08:00 ga qadar Yashnobod tumanining “Jarboshi” MFYning Abay, Serikbayev ko‘chalari hududida va “Tashisti” MFYning Iqbol va Tuzel ko‘chalari hududida;
Mirzo Ulugbek tumanining “Chingeldi”, “Temuriylar”, “Iqtidor”, “Geofizika”, “Ijodkor”, “Pastkiyuz”, “Geologlar”, “Sarbon”, “Gulzorobod” va “Alisherobod” mahalla fuqarolar yig‘ini hududlarini elektr energiyasi taʼminlovchi 110/35/10 kVli “Tuzel” podstantsiyasidagi quvvati 6300 kVА bo‘lgan kuch transformatorining quvvati 10000 kVA quvvatga almashtirish ishlari olib boriladi.
Shu sababli, mazkur MFYlarning ayrim hududlariga elektr energiyasini yetkazib berishda vaqtincha uzilishlar kuzatiladi.
Kuch transformatorini katta quvvatlisiga almashtirish jarayonini o‘z vaqtida xavfsiz olib borish va o‘rnatish choralari uchun “Hududiy elektr tarmoqlari” AJ Toshkent shahar filiali tomonidan ushbu jarayonga 30 nafardan ortiq malakali mutaxassislar, zarur 5 dan ortiq maxsus transport vositalari jalb etiladi.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr soʻraydi.
443
