Unda OAV vakillari, jurnalistlar va blogerlar korxonada amalga oshirilayotgan yangi investitsiya loyihasi, quyosh fotoelektrstansiyasi hamda energotejamkor texnologiyalar bilan yaqindan tanishdilar.
Ishtirokchilar dastlab stansiyada bunyod etilayotgan umumiy quvvati 900 MVt bo‘lgan navbatdagi 2 ta bug‘-gaz qurilmasining qurilish ishlari olib borilayotgan maydonda bo‘ldilar.
Mazkur investitsion loyihaning umumiy qiymati 944, 87 million AQSH dollarini tashkil etadi. Ispaniyaning “Intecsa Ingeniera Industrial” S.A. va Yaponiyaning “Mitsubishi Corporation” kompaniyalari bosh pudratchi sifatida ish olib bormoqda.
Yangi investitsiya loyihasi qurilmalari ishga tushgach, korxona yiliga qo‘shimcha 7,2 milliard kVt/soat elektr energiyasi ishlab chiqaradi hamda yuqori tejamkor texnologiyalarni qo‘llash hisobiga yiliga 520 million kubmetr tabiiy gaz tejalishiga erishiladi.
Shundan so‘ng, OAV vakillari korxonada o‘rnatilgan 1 MVt quvvatga teng quyosh fotoelektr stansiyasi va energiya tejovchi qurilmalar bilan ham tanishdilar.
Ma’lumot o‘rnida aytish joizki, bugungi kunga qadar stansiyada o‘rnatilgan energiya tejovchi qurilmalar, quyosh fotoelektr stansiyalari hisobiga 420796 kVt/soat elektr energiyasi tejab qolindi va o‘z navbatida 44618 ming kubmetr tabiiy gaz iqtisod qilindi.
Press-tur yakunida stansiya ma’muriyati tomonidan o‘tkazilgan matbuot anjumanida jurnalistlar o‘zlarini qiziqtirgan bir qator savollarga atroflicha javob oldilar.
“Tolimarjon IES” AJ Matbuot xizmati
474
