Hindistonda so‘nggi bir necha kun ichida jazirama tufayli kamida 166 kishi halok bo‘ldi, yana bir necha yuz kishi kasalxonaga yotqizildi. Bu haqda “India Today” xabar berdi.
Mahalliy ma’muriyat ma’lumotlariga ko‘ra, Uttar-Pradesh (119 kishi o‘lgan) va Bixar (47 qurbon) shtatlarida g‘ayritabiiy issiqlik qayd etilgan.
Ayrim hududlarda havo harorati 43,5 darajaga yetgan. Bixar provinsiyasi ma’muriy markazi Patna shahri maktablari 24-iyunga qadar ta’til e’lon qilgan.
Issiq to‘lqin Uttar-Pradesh shtati bo‘ylab elektr ta’minotida uzilishlarga olib kelgan. Buning natijasida sanitariya va sovitish tizimlari ishlamay qolgan.
Shtat hukumati elektr ta’minotini to‘liq tiklashga va’da berib, aholini elektr energiyasidan tejamkorlik bilan foydalanishga chaqirdi.
Shuningdek, mahalliy hokimiyat aholini kun davomida uyda qolishga chorlamoqda.
Ma’lumot uchun: inson sabab bo‘lgan iqlim o‘zgarishi butun dunyo bo‘ylab ekstremal ob-havo sharoitlarini kuchaytirib, anomal issiqdan tortib, suv toshqini va o‘rmon yong‘inlarigacha tez-tez va ko‘proq halokatli ofatlarni keltirib chiqarmoqda. Issiq to‘lqinlar paytida Hindiston odatda suv tanqisligidan aziyat chekadi. Uning 1,4 milliard aholisining o‘n million qismi oqar suvdan mahrum bo‘lib qoladi.
462
