Toshkent shahridagi elektr energiyasi iste’molchilarini barqaror elektr energiyasi bilan ta’minlash hamda vujudga kelishi mumkin bo‘lgan avariyaviy hodisalarni oldini olish maqsadida ertaga “Qorasuv” podstansiyasidagi quvvati 16000 kVА bo‘lgan kuch transformatorining quvvati 25000 kVA quvvatga almashtirish ishlari olib boriladi.
Shu sababli, bugun 20-iyun kuni soat 20:00 dan ertaga 21-iyun kuni soat 05:00 ga qadar Mirzo Ulug‘bek tumanining: “Qorasuv-6”, “Avayxon”, “Mevazor”, “Oltintepa” MFYlari hududida va “Nobel farm” MCHJ binosida elektr energiyasini yetkazib berishda vaqtincha uzilishlar kuzatiladi.
Kuch transformatorini katta quvvatlisiga almashtirish jarayonini o‘z vaqtida xavfsiz olib borish va o‘rnatish choralari uchun “Hududiy elektr tarmoqlari” AJ Toshkent shahar filiali tomonidan ushbu jarayonga 30 nafardan ortiq malakali mutaxassislar, 5 tadan ortiq maxsus transport vositalari jalb etiladi.
“Hududiy elektr tarmoqlari” AJ Toshkent shahar filiali elektr energiyasi taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr soʻraydi.
502
