“Ўзэнергоинспекция“нинг Фарғона ҳудудий бўлими томонидан мурожаатларни ўз вақтида ўрганиш ва мавжуд муаммоларнинг ечимини топишга алоҳида эътибор қаратилмоқда.
Фарғона вилояти Фурқат туманидаги Калдушон маҳалласида электр таъминоти корхонаси томонидан маҳалладаги трансформаторда носозлик бўлгани сабабли электр энергияси йўқлиги бўйича мурожаат келиб тушди.
Ушбу ўрганишларга асосан ҳақиқатдан ҳам тумандаги Калдушон маҳалласининг Боғ кўчасини электр энергияси билан таъминловчи Фурқат туман электр таъминоти корхонаси тасарруфидаги 170-сонли қуввати 160 кВА бўлган трансформатор шу йилнинг 25 ноябрь куни электр таъминоти корхонаси ходимлари томонидан трансформатор мойини изоляцияси қаршилиги меъёридан пасайиб кетганлиги сабабли лаборатория таҳлилидан ўтказиш учун 1260 сонли наряд фармойишга асосан ечиб олинганлиги аниқланди.
Шу куннинг ўзидаёқ ҳудудий бўлим мутахассиси иштирокида трансформатор мойи меъёрига келтирилиб, трансформатор жойига ўрнатилиб маҳаллада электр таъминоти тўлиқ тикланди.
Бундан ташқари, Фуркат тумани Чек чувалдоқ маҳалласи Сой бўйи кўчасида жорий йилнинг 28 ноябрь куни Фарғона ҳудудий бўлими ишонч телефонига электр таъминотидаги узилишлар бўйича қилинган мурожаати юзасидан бўлим томонидан ўрганиш ўтказилди.
Натижада ушбу маҳаллани электр энергияси билан таъминловчи трансформатор пунктидаги ортиқча электр таъминотида узилишларга сабаб бўлаётган автомат катта юкламалисига алмаштирилиши таъминланди. Чунки ушбу трансформатор пунктидаги автомат юкламага мос танланмаганлиги сабабли юклама ортган пайтда электр таъминотида ортиқча узилишларга сабаб бўлаётганлиги аниқланган.
Ҳозирги кунда ушбу иккала мурожаат юзасидан ҳам ўтказилган ўрганишлардан сўнг электр таъминоти барқарорлиги ва узлуксизлиги таъминланди.
929
