“Hududiy elektr tarmoqlari” AJ tasarrufidagi barcha elektr ta’minoti korxonalari tomonidan iste’molchilarga uzluksiz va barqaror elektr energiyasi yetkazib berish maqsadida ishlar jadal olib borilmoqda. Jumladan:
➖Yakkasaroy tumanining Hamid Sulaymon nomidagi MFY hududida joylashgan transformator punktidan chiquvchi 0,4 kVli elektr uzatish havo tarmogʻi toʻliq mukammal taʼmirdan chiqarilib, ushbu hududga 3 kilometrdan ortiq yangi zamonaviy SIP kabel tarmogʻi tortildi. Buning natijasida 300 dan ortiq aholi xonadonlari elektr energiyasi bilan sifatli taʼminlanadi.
➖Yangihayot tumanining iste’molchilarini barqaror elektr energiyasi bilan ta’minlash maqsadida tuman hududidagi transformator punktidagi mavjud kamchiliklarni bartaraf etish hamda mukammal taʼmirlash ishlari olib borilmoqda. Buning natijasida 150 ga yaqin aholi xonadonlari elektr energiyasi bilan sifatli taʼminlanadi.
➖Yashnobod tumanining “Bahor” MFY, Yangihayot ko‘chasidagi transformator punktidan ta’minlovchi yer ostidan o‘tgan elektr uzatish kabel tarmog‘inining shikastlangan qismini ta’mirlash ishlari bajarilmoqda. Bu bilan isteʼmolchilarning elektr taʼminoti yanada yaxshilanishiga hamda elektr tarmoqlarida yuzaga kelishi mumkin boʻlgan favqulodda avariyali uzilishlarning oldini olishga erishiladi.
➖Xorazm viloyati Urganch shahrida joylashgan “Xorazm” podstansiyasidan chiquvchi “L-Xorazm” 110 kVli elektr uzatish tarmog‘ida yuzaga kelgan nosozlik tezkor brigadalar tomonidan bartaraf qilindi.
➖Andijon viloyati Qo‘rg‘ontepa tumanida joylashgan Qorasuv shahrining Mirzo Ulug‘bek nomidagi MFY hududida yashovchi 80 dan ortiq aholi xonadonlarining elektr ta’minoti sifatini yanada yaxshilash maqsadida rekonstruksiya va modernizatsiya ishlari olib borilmoqda.
433
