Joylarda elektr uzatish tarmoqlari va transformator punktlarining sozligini ta’minlash orqali iste’molchilarga sifatli elektr energiyasi yetkazib berish mumkin. Shuningdek, bu orqali turli quvvatdagi elektr qurilmalarida baxtsiz hodisalarning kelib chiqishini oldi olinadi.
Shu maqsadda, Yunusobod tuman, Uchqahramon mahallasi hududidagi elektr qurilmalarida mukammal ta’mirlash ishlari olib borildi. Qayd etish kerakki, ushbu mahallani elektr energiyasi bilan ta’minlovchi mavjud elektr qurilmalariga qariyb yigirma yil bo‘lgan.
Mazkur transformatorlarning nisbatan eskirgani — qish va yoz mavsumida zo‘riqib ishlashi natijasida avariya holatlari ham tez-tez uchrab turibdi. Natijada, elektr uzatish tarmoqlarining ishdan chiqishi ko‘plab iste’molchilarning ma’lum muddat elektr ta’minotisiz qolishiga sabab bo‘lgan.
Prezidentimizning 2023-yil 11-martda “Toshkent shahridagi iste’molchilarni energiya resurslari bilan barqaror taminlash chora-tadbirlari to‘g‘risida”gi PQ-91-son qaroriga muvofiq mahallada aholini sifatli elektr energiyasi bilan ta’minlash choralari ko‘rilmoqda.
Jumladan, mazkur mahalla hududidagi 6 ta ko‘p qavatli uydagi 400 ta xonadonga elektr uzatish tarmoqlari mukammal ta’mirdan chiqarildi.
327
