Qoraqalpog‘iston Respublikasi Jo‘qorg‘i Kengesi, Toshkent shahar va viloyatlar hokimliklari quyosh fotoelektr tizimi o‘rnatilganligi va foydalanishga topshirilganligi to‘g‘risidagi umumlashtirilgan ma’lumotlarni info@iesf.uz elektron manziliga taqdim etishlari mumkin.
Xabar berganimizdek, Energetika vazirligi aholi o‘rtasida kichik quvvatli quyosh fotoelektr tizimlaridan keng foydalanishni jadallashtirish maqsadida Kambag‘allikni qisqartirish va bandlik vazirligi bilan hamkorlikda “Quyoshli mahalla” maxsus tanlovini o‘tkazmoqda.
Tanlov nominatsiyalar bo‘yicha 2023-yil 1-iyundan 1-sentabrga qadar Qoraqalpog‘iston Respublikasi, viloyatlar va Toshkent shahar mahalla fuqarolari yig‘inlari miqyosida o‘tkaziladi hamda 14 ta hududning har biri bo‘yicha tanlovda qatnashuvchi nomzodlar o‘rtasida g‘oliblar aniqlanib, mukofotlanadi.
Unga ko‘ra, eng birinchi 300 kVt quvvatli quyosh panellarini o‘rnatgan mahallaga elektromobil topshiriladi. Shuningdek, har bir viloyat bo‘yicha 1-, 2- va 3-o‘rin nominatsiyalari bo‘yicha g‘olib bo‘lgan MFY binolariga quyosh panellari bepul o‘rnatib beriladi.
“Quyoshli mahalla” tanlovini o‘tkazish tartibi to‘g‘risida Nizomning 4-bobiga ko‘ra, tanlovda ishtirok etish uchun ishlar Qoraqalpog‘iston Respublikasi Jo‘qorg‘i Kengesi, Toshkent shahar va viloyatlar hokimliklari tomonidan umumlashtirilgan holda, Energetika vazirligining rasmiy veb-sayti orqali Ishchi guruhiga taqdim etiladi.
Shu munosabat bilan Qoraqalpog‘iston Respublikasi Jo‘qorg‘i Kengesi, Toshkent shahar va viloyatlar hokimliklariga tanlovda ishtirok etish uchun topshiriladigan ishlarni Energetika vazirligining info@iesf.uz elektron manzili (tel.: +99899 789 22 83)ga Nizom talablariga asosan elektron shaklda taqdim etishlarini yana bir bor eslatib o‘tamiz.
307
