Energetika vazirligi huzuridagi “Oʻzenergoinspeksiya” va huquqni muhofaza qiluvchi organlar bilan birgalikda joylarda oʻtkazilayotgan nazorat tadbirlarida Buxoro shahrida faoliyat yuritib kelayotgan “M.T.” MCHJ tomonidan elektr energiyasidan noqonuniy foydalanish holati aniqlandi.
Mazkur korxona foydalanilgan elektr energiyasini kamaytirib koʻrsatish maqsadida elektr hisoblagichga tashqi taʼsir koʻrsatganligi maʼlum boʻldi. Natijada 4,4 mln kVt⋅soat hisobga olinmagan elektr energiyasi boʻyicha 2 mlrd soʻm miqdorida qayta hisob-kitob ishlari amalga oshirildi.
Maʼlumot uchun: ushbu hajmdagi elektr energiyasi 22 mingta xonadonning bir oylik isteʼmolini tashkil qiladi.
Qoidabuzar isteʼmolchiga nisbatan belgilangan tartibda choralar koʻrilib, tegishli hujjatlar huquqni muhofaza etuvchi organlarga taqdim qilindi.
Nazorat tadbirlari davom etmoqda.
327
