Joriy yilning 10-avgust kuni “O‘zenergoinspeksiya” tomonidan Bosh prokuratura Departamenti va “Hududiy elektr tarmoqlari” AJ xodimlari bilan hamkorlikda Toshkent viloyatining Yangiyo‘l tumanida o‘tkazilgan nazorat tadbirlarida elektr energiyasidan noqonuniy foydalanish holati aniqlandi.
Xususan, Yangiyo‘l tumani, “Haqiqat” MFYda fuqaro J.A. ga qarashli fermer xo‘jaligi o‘zboshimchalik bilan, noqonuniy ravishda elektr tarmog‘iga ulanib olganligi natijasida davlat manfaatlariga 435 mln 456 ming so‘m (967 680 kVt·soat) miqdorida zarar yetkazganligi ma’lum bo‘ldi.
Ushbu hajmdagi elektr energiyasi 4 ming 800 ta xonadonning bir oylik iste’molini tashkil qiladi.
Aniqlangan holat yuzasidan tegishli hujjatlar huquqni muhofaza etuvchi organlarga taqdim qilindi.
334
