So‘nggi yillarda yurtimizda quyosh panellarini o‘rnatish va ulardan foydalanishga bo‘lgan talab keskin ortib bormoqda. Shu maqsadda 100 ga yaqin tadbirkorlik subyektlari tomonidan quyosh panellari xorijiy davlatlardan import qilinmoqda.
Tahlillar shuni ko‘rsatmoqdaki, quyosh panellarini olib kirish hajmi keskin oshib borayotir.
Masalan, 2023-yilning o‘tgan davri mobaynida mamlakatimizga jami 1 mln 705 ming 226 dona quyosh panellari import qilingan.
Taqqoslash uchun, o‘tgan yilning mos davrida 157 ming 568 dona quyosh panellari import qilingan. Ya’ni, joriy yilda o‘tgan yildagiga nisbatan 11 barobar ko‘p quyosh panellari olib kirilgan.
Ushbu quyosh panellari Xitoy, Gongkong, Janubiy Koreya, BAA, Armaniston, Turkiya, Rossiya, Daniya, Italiya, Germaniya, Isroil, Hindiston, Sloveniya, Malayziya va boshqa davlatlardan import qilinmoqda.
Eslatib o‘tamiz, 2024-yil 1-yanvarga qadar qayta tiklanuvchi energiya manbalarini tashkil etish uchun tadbirkorlik subyektlari tomonidan import qilinadigan asbob-uskunalar, texnika, xomashyo, butlovchi buyumlar, ehtiyot qismlar va boshqa materiallar bojxona bojidan ozod etilgan.
624
