“Oʻzenergoinspeksiya” tomonidan Bosh prokuratura bilan hamkorlikda Navoiy viloyatida oʻtkazilgan nazorat tadbirlari davomida tabiiy gazdan noqonuniy foydalanish holatlari aniqlandi.
Xususan, Qiziltepa tumanida faoliyat yuritib kelayotgan “Yeko Garden Navoiy” MCHJga qarashli qishloq xoʻjaligi mahsulotlari ishlab chiqaruvchi korxona mutasaddilari gaz hisoblash uskunasiga tashqi taʼsir koʻrsatib qoidabuzarlik sodir etgan.
Natijada hisobga olinmagan tabiiy gaz boʻyicha 613 mln soʻm miqdorida qayta hisob-kitob ishlari amalga oshirildi.
Bu kabi qoidabuzarlik holati “Karmana texno gaz oil” MCHJga qarashli avtomobillarga gaz toʻldirish kompressor shoxobchasida ham aniqlandi. Unga koʻra, mazkur shoxobcha tabiiy gazdan mavjud boʻlgan debitor qarzdorligi sababli gaz tarmogʻidan ajratilgan boʻlishiga qaramasdan, isteʼmolchi tomonidan tarmoqqa oʻzboshimchalik bilan, noqonuniy ravishda qayta ulab olinganligi maʼlum boʻldi.
Mazkur noqonuniy holat natijasida davlat manfaatlariga yetkazilgan umumiy zarar miqdori 580 mln soʻmni tashkil etgan.
Qoidabuzar isteʼmolchilarga nisbatan belgilangan tartibda choralar koʻrilib, tegishli hujjatlar huquqni muhofaza qiluvchi organlarga taqdim etildi.
342
