Xabar berganimizdek, bugun, soat 11:28 da Toshkent shahridagi 35 kVli “L-Parkentskaya-1,2” elektr uzatish tarmog‘ida nosozlik yuzaga kelgan edi.
Buning natijasida Mirzo Ulug‘bek va Yashnobod tumani iste’molchilarining bir qismi (4500 ta iste’molchi) elektr ta’minotidan uzilgan edi.
Soat 21:30 da 35 kV “L-Parkentskaya-1” kabel tarmog‘ida ta’mirlash ishlari yakunlandi.
Yashnobod va Mirzo Ulug‘bek tumanlaridagi o‘chgan iste’molchilarning 50 foizida (2250 ta iste’molchida) elektr ta’minoti tiklandi.
Soat 23:27 da ikkinchi — “L-Parkentskaya-2” kabel tarmog‘ida ta’mirlash ishlari yakunlandi va iste’molchilarning elektr ta’minoti to‘liq tiklandi.
Mazkur nosozlik yer ostidagi kuygan kabellarni almashtirish bilan bog‘liq bo‘lganligi sababli ta’mirlash ishlari mo‘ljaldagidan ko‘ra ko‘proq cho‘zildi. Aytish joizki, qariyb 12 soat mobaynida nosozlikni bartaraf uchun 20 nafardan ortiq xodimlar mehnat qilishdi.
Keltirilgan noqulayliklar uchun iste’molchilardan yana bir bor uzr so‘raymiz.
347
