2023-yilda ham “O‘zbekgidroenergo” AJ jahonda yetakchi “uchlik” reyting agentliklaridan biri hisoblangan “Fitch Ratings” xalqaro reyting agentligining “BB-” barqaror xalqaro kredit reytingini saqlab qoldi va mustaqil kredit reytingini bir pog‘onaga oshirib, B+ darajaga ko‘tardi.
Joriy yilda berilgan reyting o‘tgan moliya yilining tahlili natijalari, ya’ni 2022-yilning natijalari sarhisobiga berilgan baho hisoblanadi.
Jamiyat tomonidan 2022-yilda 8 ta loyihani foydalanishga topshirilishi natijasida, qo‘shimcha 178 MVt ishlab chiqarish quvvati yaratildi hamda jami ishlab chiqarish quvvatlari hajmi 2 230 MVtga yetkazildi.
Mazkur yutuq kelgusida “O‘zbekgidroenergo” AJning iqtisodiy barqarorligini yanada oshirishga xizmat qiladi hamda investitsiya loyihalarini amalga oshirishda xorijiy kreditlarni davlat kafolatisiz to‘g‘ridan-to‘g‘ri investitsiya mablag‘larini jalb qilish imkoniyatini beradi.
554
