Tayinlov
Mamadaminov Umid Mahmudovich — Oʻzbekiston Respublikasi Energetika vazirining oʻrinbosari etib tayinlandi.
Umid Mamadaminov 1983-yili Samarqand viloyatida tugʻilgan. 2006-yili Toshkent davlat texnika universitetini, 2015-yili esa AQSHning Oregon texnologiya institutini magistratura yoʻnalishi boʻyicha tamomlagan. Maʼlumoti boʻyicha mutaxassisligi sanoat elektronika muhandisi, qayta tiklanadigan energiya manbalari.
Umid Mamadaminov 8 yil mobaynida AQSHda istiqomat qilgan va u yerdagi “Stantec Consulting Services” kompaniyasida mutaxassisligi boʻyicha loyiha dizayneri vazifasida ishlagan.
Umid Mamadaminov mehnat faoliyati davomida sohada ilgʻor tajribaga ega boʻlgan davlatlarda qayta tiklanuvchi energiya manbalaridan foydalangan holda elektr ishlab chiqarishga doir loyihalarni amalga oshirishda ishtirok etgan.
Innovatsion texnologiyalarni joriy etish, qayta tiklanuvchi energiya manbalari qurilmalarining energiya jihatdan samaradorligini oshirish, ularning ishlab chiqarilishini kengaytirish va mahalliylashtirish boʻyicha zamonaviy yondashuvga ega.
664
