“Oʻzbekiston milliy elektr tarmoqlari” AJ tomonidan yuqori kuchlanishli elektr tarmoqlari va podstansiyalarda 2023-2024-yillar kuz-qish mavsumiga tayyorgarlik yumushlari, yaʼni magistral elektr tarmoqlari obyektlarida taʼmirlash-sozlash, qurilish-montaj, modernizatsiya-rekonstruksiya ishlari olib borilmoqda.
Xususan, Surxondaryo viloyati isteʼmolchilarining elektr taʼminoti ishonchliligini oshirish maqsadida 220 kVli “Sherobod” podstansiyasiga quvvati 250 MVA (megavolt amper) boʻlgan avtotransformator oʻrnatilib, 72 soat davom etadigan sinov muddatiga kuchlanish ostiga qoʻyildi.
Amalga oshirilgan modernizatsiya ishlari natijasida viloyatning Qumqoʻrgʻon, Jarqoʻrgʻon, Bandixon, Boysun, Shoʻrchi, Qiziriq, Sherobod va Oltinsoy tumanlari hamda suv xoʻjaligi tizimidagi “Sherobod nasos stansiyasi”ning elektr taʼminoti yanada yaxshilandi.
760
