Bosh prokuror oʻrinbosari Sh.Aminov raisligida Ichki ishlar vazirining birinchi oʻrinbosari Sh.Rahmonov, “Oʻzenergoinspeksiya” boshligʻi I.Nimatullayev ishtirokida energiya resurslarni talon-toroj qilish holatlarining oldini olish yuzasidan yigʻilish oʻtkazildi.
Unda Toshkent shahri prokurori, Toshkent viloyatida prokurori, MIB, Departament boshliqlari, tuman (shahar)lar prokurorlari, “Hududiy elektr tarmoqlari” AJ va “Hududgaztaʼminot” AJning shahar (viloyat) hamda tuman (shahar) filiallari rahbarlari, oʻrinbosarlari, metrologlari va yirik gaz hamda elektr energiyasi isteʼmolchilari qatnashdi.
Yigʻilishda ishtirokchilar eʼtiboriga sohaga doir maxsus tayyorlangan videolavha havola etildi.
Shuningdek, energiya resurslardan foydalanish qoidalarini buzish orqali talon-toroj qilish holatlari oʻgʻrilik jinoyati sifatida baholanishi, shunga qaramay, yirik isteʼmolchilar hamda energiya taʼminoti korxonalari rahbarlari va xodimlari tomonidan energiya resurslarni talon-toroj qilish davom etayotgani tanqid ostiga olindi.
Har qanday sharoitda ham aholi hamda iqtisodiyot tarmoqlarini energiya resurslari bilan barqaror taʼminlash ustuvor vazifa ekani taʼkidlandi.
562
