Energetika vazirligi huzuridagi “Oʻzenergoinspeksiya” tomonidan huquqni muhofaza qiluvchi organlar va “Hududiy elektr tarmoqlari” AJ bilan hamkorlikda Andijon viloyatida oʻtkazilgan nazorat tadbirlarida Qoʻrgʻontepa tumani, “Jomiy” MFYda faoliyat yuritib kelayotgan “F. Z.” MChJ tomonidan elektr energiyasidan noqonuniy foydalanish holati aniqlandi.
Ushbu MChJga qarashli “Toʻyxona”dagi non ishlab chiqarish sexining elektr qurilmalari elektr oʻlchov priborlaridan tashqari elektr tarmogʻiga ulanib, 387 ming kVt·soat elektr energiyasidan noqonuniy foydalanib kelganligi va bu bilan taʼminot korxonasiga 174,1 mln soʻm miqdorda zarar keltirganligi maʼlum boʻldi.
Ushbu hajmdagi elektr energiyasi hozirgi kunda 1 ming 900 ta xonadonning bir oylik isteʼmoliga tengdir.
Aniqlangan holat yuzasidan rasmiylashtirilgan hujjatlar belgilangan tartibda huquqni muhofaza etuvchi organlarga taqdim qilindi.
Nazorat tadbirlari davom etmoqda.
413
