Energetika vazirligi huzuridagi “Oʻzenergoinspeksiya” va huquqni muhofaza qiluvchi organlar bilan hamkorlikda soʻnggi oʻn kunda Fargʻona viloyatida oʻtkazilgan nazorat tadbirlarida 45 ta holatda isteʼmolchilar tomonidan tabiiy gaz va elektr energiyasidan noqonuniy foydalanish holatlari aniqlandi.
Buning natijasida 599 mln 300 ming metr kub tabiiy gaz va 1 mln 236 ming kVt⋅soat elektr energiyasi talon-toroj qilingan boʻlib, tizimga yetkazilgan 1 mlrd 722 mln soʻm zarar undirishga qaratilgan.
Maʼlumot uchun: ushbu hajmdagi tabiiy gaz qariyb 3 mingta, elektr energiyasi esa 6 mingta xonadonning bir oylik isteʼmoliga tengdir.
Qoidabuzar isteʼmolchilarga nisbatan belgilangan tartibda choralar koʻrilib, tegishli hujjatlar huquqni muhofaza etuvchi organlarga taqdim qilindi.
Hududlarda nazorat tadbirlari davom etmoqda.
381
