Energetika vazirligi huzuridagi “Oʻzenergoinspeksiya” tomonidan huquqni muhofaza qiluvchi organlar hamda “Hududgaztaʼminot” AJ xodimlari bilan hamkorlikda Toshkent viloyati va shahrida oʻtkazilgan nazorat tadbirlari davomida tabiiy gazdan noqonuniy foydalanish holatlari mavjudligi maʼlum boʻldi. Xususan:
➖ Yuqori Chirchiq tumani, “Nurli Zamin” MFYda joylashgan “Q.S.” MCHJ gaz tarmogʻiga noqonuniy ravishda ulanganligi natijasida davlat manfaatlariga 480 mln 798,1 ming soʻm (728 ming 482 metr kub);
➖ Zangiota tumanida joylashgan “M.M.» MCHJ gaz tarmogʻiga noqonuniy ravishda ulanganligi natijasida davlat manfaatlariga 19 mln 958,4 ming soʻm (30 ming 240 metr kub);
➖ Zangiota tumanida joylashgan “P. M.» MCHJ gaz tarmogʻiga noqonuniy ravishda ulanganligi natijasida davlat manfaatlariga 9 mln 720 ming soʻm (9 ming 720 metr kub);
➖ Sergeli tumani, “Oʻzgarish” MFYda joylashgan “I. Sh.» xususiy shirkati gaz tarmogʻiga noqonuniy ravishda ulanganligi natijasida davlat manfaatlariga 16 mln 38 ming soʻm (24 ming 300 metr kub) miqdorida zarar yetkazganligi aniqlandi.
Dastlabki hisob-kitoblarga koʻra, mazkur 4 ta holatda davlat manfaatlariga yetkazilgan umumiy zarar miqdori 526 mln 514,5 ming soʻm (792 ming 742 metr kub tabiiy gaz)ni tashkil etgan.
Maʼlumot uchun: ushbu hajmdagi tabiiy gaz hozirgi kunda qariyb 4 mingta xonadonning bir oylik isteʼmoliga tengdir.
Hozirgi vaqtda aniqlangan holatlar yuzasidan huquqni muhofaza qiluvchi organlar tomonidan oʻrnatilgan tartibda surishtiruv ishlari olib borilmoqda.
406
