Kecha, 29-avgust kuni “Oʻzbekgidroenergo” AJning “Chirchiq GESlar kaskadi” unitar korxonasi tarkibidagi “Oq-qovoq GES-1” (GES-10) modernizatsiyadan soʻng yangilangan quvvatlarda ishga tushirildi.

Avvalgi quvvati 34,7 MVt boʻlgan “Oq-qovoq GES-1”ning umumiy quvvati modernizatsiya ishlari yakuniga yetkazilgandan soʻng 39,7 MVtga yetkazildi.

Modernizatsiya yumushlari Xitoyning sohada yetakchi tashkilotlaridan biri boʻlgan “CNTIC” kompaniyasi bilan hamkorlikda amalga oshirildi.

Yangilangan quvvatlar orqali mazkur GES Chirchiq shahri isteʼmolchilariga yiliga qoʻshimcha 213,8 mln kVt·soat elektr energiyasi yetkazib berishi kutilmoqda.

30.08.2023

539