Kuni kecha, 3-sentabr kuni energetika sohasining ulkan va boy tajribaga ega vakili, zabardast quruvchi-energetik, jamoat arbobi, sohadagi qator unvonlar egasi, faxriy ustoz Irgashev Akram Kurbanovich soʻnggi manzilga kuzatildi.
Joriy yilda 92 bahorni qarshi olgan Akram Kurbanovichning mehnat faoliyati Oʻzbekiston uchun mustahkam energetika tizimining shakllanishi hamda bardavom rivojlanishida muhim oʻrin tutadi.
Ustoz oʻzining boy bilim va tajribasini mamlakat energetika tizimi taraqqiyoti yoʻlida sarfladi. Akram Kurbanovich ham ish faoliyatida, ham jamoatchilik ishlarida doim oʻzining yuksak salohiyati, masʼuliyatliligi, yuqori talabchanligi, tashkilotchiligi, rahbarligining jozibadorligi bilan ajralib turar edi.
Oʻzbekiston Respublikasi Energetika vazirligi butun mehnat faoliyatini energetika sohasiga baxsh etgan fidoiy energetik Akram Irgashevning vafoti munosabati bilan marhumning oila aʼzolari va yaqinlariga chuqur taʼziya izhor etadi.
A.Irgashevning yorqin xotirasi energetiklar qalbida hamisha saqlanib qoladi.
Oʻzbekiston Respublikasi Energetika vazirligi.
290
