Қибрай туман ҳокимлиги биносида 25 декабрь куни энергия тежайдиган ускуналар савдоси ярмаркаси ҳамда Ўзбекистон Республикаси Президентининг 2019 йил 22 августдаги ПҚ-4422-сонли Қарорига ва «Саноат корхоналарининг энергия самарадорлигини ошириш» лойиҳасига бағишланган давра суҳбати бўлиб ўтди.
Энергия самарадорлигини ошириш масалалари нафақат ишлаб чиқариш, қайта ишлаш, балки истеъмол нуқтаи назаридан янги воситалардан фойдаланишни талаб қилади.
Ярмаркада маҳаллий ва хорижий компаниялар қатнашдилар Polius Energo System, Mir Solar, Glory Gas service, Penoplex, Endustriyel Elektrik, E-cover, QIE қуёш технологиялари ва бошқалар. Тадбирда 100 дан ортиқ киши иштирок этди.
Давра суҳбатида энергия ва ресурсларни тежаш, шунингдек, маҳаллий ишлаб чиқарувчиларни молиявий ва кредит билан таъминлаш механизмлари муҳокама қилинди.
Шу билан 2019 йилда энергия самарадорлигини ошириш бўйича бир қатор давра суҳбатлари якунланди.
Тадбир ташкилотчилари,оммавий ахборот воситаларида кенг ёритилган корхоналарда энергия самарадорлигини ошириш бўйича муваффақиятли тажриба Ўзбекистоннинг бошқа тармоқлари корхоналари учун намуна бўлиб хизмат қилади деб ҳисоблайди.
931
