Joriy yil 7-sentyabr kuni Energetika vazirligi huzuridagi “Oʻzenergoinspeksiya” tomonidan huquqni muhofaza qiluvchi organlar hamda elektr taʼminoti korxonalari mutaxassislari bilan hamkorlikda Toshkent shahri va Toshkent viloyatida oʻtkazilgan nazorat tadbirlarida elektr energiyasidan noqonuniy foydalanish holatlari aniqlandi. Xususan:
➖ Toshkent tumanidagi “Z. N. Sh. X.» fermer xoʻjaligi tomonidan oʻzboshimchalik bilan elektr tarmogʻiga ulanishi natijasida davlat manfaatlariga 1 mlrd 515 mln 978 ming soʻm (3 mln 368 ming 840 kVt⋅soat);
➖ Olmazor tumanida joylashgan “M.P.S.” MCHJning elektr qurilmalari ulanish sxemalari amaldagi qoidalarga zid ravishda ulanganligi natijasida davlat manfaatlariga 104 mln 176 ming 350 soʻm (231 ming 503 kVt⋅soat);
➖ Shayxontohur tumani, Alisher Navoiy koʻchasida joylashgan “G.S.R.” MCHJning elektr qurilmalari ulanish sxemalari amaldagi qoidalarga zid ravishda ulanganligi natijasida davlat manfaatlariga 53 mln 460 ming soʻm (118 ming 800 kVt⋅soat), jami 1 mlrd 673 mln 614 ming 350 soʻm zarar yetkazilganligi aniqlandi.
Maʼlumot uchun: ushbu hajmdagi elektr energiyasi qariyb 18 ming 547 ta xonadonning bir oylik isteʼmoliga tengdir.
Qoidabuzar isteʼmolchilarga nisbatan belgilangan tartibda choralar koʻrilishi uchun tegishli hujjatlar huquqni muhofaza etuvchi organlarga taqdim qilindi.
Joylarda nazorat tadbirlari davom etmoqda.
417
