“O‘zbekenergota’mir” AJ mutaxassislari “Tolimarjon IES” AJning 450 MVtli 2-bug‘-gaz qurilmasining ishonchliligini oshirish va oldindagi mavsumda barqaror ishlashini ta’minlash maqsadida qurilmada reja asosidagi joriy ta’mirlash ishlarini olib bormoqdalar.
Unda gaz turbinasi kompressoriga keladigan havoni kompleks tozalovchi 1-bosqichdagi 1800 ta va 2-bosqichdagi 510 dona filtrlar yangisiga almashtirilib, bug‘ turbinasidagi kondensator uskunalari tozalandi.
Bundan tashqari, gaz turbinasidan o‘tuvchi gaz tarkibini tozalovchi 60 dona gaz filtrlariga texnik xizmat ko‘rsatilib, tarmoqqa ulandi.
Ayni paytda esa bug‘ turbinasining sovutish tizimidagi texnik suv quvurlari tozalanib, bug‘ quvurlaridagi barcha asosiy va yordamchi uskunalarda zaruriy nazorat va ta’mir ishlari davom etyapti.
“Issiqlik elektr stansiyalari” AJ Matbuot xizmati
445
