2021-yilning fevral oyida Jamiyatda xalqaro kredit reytinglarini olish boʻyicha tizimli ishlar boshlangan edi. Oʻtgan ikki yil davomida xalqaro reyting agentliklaridan reytinglar davomiy olib kelinmoqda.
“Fitch Ratings” agentligi tomonidan berilgan navbatdagi hisobotda “Oʻzbekneftgaz” AJning davlat bilan mustahkam aloqalari reyting baholashning asosiy omillari sifatida taʼkidlangan. Shu bilan bir qatorda, kelgusi yillar davomida Jamiyatning “Upstream” (qazib chiqarish va geologik qidiruv ishlari) koʻrsatkichlari keng miqyosda "barqaror" deb qayd etilgan.
Taʼkidlash joizki, “Oʻzbekneftgaz” AJ mamlakat iqtisodiyoti real sektorida suveren darajada xalqaro kredit reytingini olgan va saqlab kelayotgan birinchi kompaniya hisoblanadi.
Maʼlumot uchun: “Fitch Ratings” — Amerika korporatsiyasi boʻlib, asosan reyting agentligi sifatida tanilgan. Xalqaro reyting agentliklarining “Katta uchligi”dan oʻrin olgan. Kompaniya jahon kredit bozorlarini mustaqil va istiqbolli kredit reytinglari, tushunchalar va maʼlumotlar bilan taʼminlashga ixtisoslashtirilgan.
Kredit reytingi — bu risk omillarini baholash asosida qarz oluvchining umumiy toʻlovni amalga oshirishga layoqati yoki muayyan qarz majburiyatlari haqida qarz oluvchining kredit toʻloviga layoqatliligi boʻyicha reyting agentligining fikrini anglatadi.
“BB-” darajasi kredit xavflari mavjud boʻlishiga qaramay, kompaniya investorlar va kreditorlar oldidagi moliyaviy majburiyatlarini bajara olishini bildiradi.
“Oʻzbekneftgaz” AJ Axborot xizmati.
838
